وحشني حضنها

وحشتني اوي ووحشني حضنها , مشتاقة لها اوي مشتاقة لضمتها ولحنانها , لما بشوفها بستمد منها الإحساس بكل حاجة جميلة السعادة والشموخ والامل , عمري ما هشبع منها ولا من نظرتها الحنينة , عشان اشوفها بسافر بلاد , نفسي ازورها , بس دلوقتي محرومة منها مش بزورها غير لما ربنا سبحانه وتعالي يأذن لي , هي بالنسبة لي متعتي , معلش اسفة اخدني الكلام نسيت أقولكم إنها الكعبة اكيد انتوا كمان زي مشتاقين لها يارب ما يحرمكم منها ادعوا لي أشوفها قريب لاني محتاجة لها تطبطب عليا , لما بفارقها كأني بفارق امي , بنسي نفسي وأكلمها بقولها إن شاء الله هاجي لك تاني , بقولها هتوحشيني مش قادرة علي بعادك , ياتري هشوفها تاني ؟؟ ياتري هتتردلي روحي من جديد ؟؟ وحشتني أوي ووحشني حضنها