الخميس، 4 فبراير، 2010

ليكم ألف.. وحشه ووحشه .. ومبروك


السلام عليكم مش عارفة اوصفلكم ازاي انتوا وحشتوني
بجد وحشتوني اوي واتمني كلكم تكونوا بخير
نفسي احكي لكم حاجات كتير مريت بيها افتقدتكم جدااااااااااااا

وافتقدت مدونتي اوي اوي اوىىىىىى
مش هنسي طبعا اباركلكم مرتين مرة لفوز منتخب مصر علي الجزائر


ومرة علي كاس الامم وربنا يخلي رجالتنا ويرفعوا راسنا دايما
وقولت فرصة يكون رجوعي متزامن مع الفرحة والاحساس الجميل دة
وعقبال ما نتأهل لكاس العالم الجاي هيفضل عندنا الامل دة لان بجد
نفسنا فية وشبه حصلنا عقدة منه بس ان شاء الله تنفك قريب ..
بالنسبة لي انا اتجوز ..


يمكن اكون مش مدركة اني اتجوزت حتي الان مع ان قربت اكمل شهرين جواز
بس الواقع بيقول اني اتجوزت ..

والحمد لله ربنا من عليا بشخص خلوق وحنين وطيب ربنا يباركلي فية
المهم كلكم وحشني ونفسي اخدكم واحد واحد علي جنب

واطمن عليه وعلي احواله ربنا يكرمكم
ويحفظكم من انفسكم ومن كل شيء يضايقكم .. تحياتي

الاثنين، 27 أبريل، 2009

كل ،، سنة ،، وأنا


كل سنة وانا طيبة
كل سنة وانا قريبة اكتر لربنا
كل سنة وانا في الحرم

كل سنة وانا في مدونتي
كل سنة وانا معاكم

كل سنة وخطيبي اللي هو
ان شاء الله جوزي يكون راضي عني

السبت، 4 أبريل، 2009

هو دة اللي شغلني


السلام عليكم ورحمة الله وبركاته وحشتوني جدا والمعذرة اني بعدت شوية عنكم
بس بجد غصب عني اوي

هقولكم بقي انا انشغلت عنكم باية مممممممم
اولا الفترة اللي فاتت الحمد لله اتخطبت لشخص ربنا يكرمة يارب

سعيدة بيه جدا ربنا يباركلي فية وربنا يباركلي في حبة ليا
ويقدرني اني اسعده بجد من زمان وانا بدعي بالدعوة دي

اللهم ارزقني الزوج الصالح اللي يحبني واحبة ويسعدني واسعده
ونسعي لمرضاتك سبحان الله .

دي بقي كانت الحاجة الاولي اللي انشغلت بيها عن مدونتي الحبيبة
الحاجة التانية بقي هي اني كنت بحضر لسفري

لاني بجد اشتقت للحرم والكعبة اوىىىىىىىى وحضروا دعواتكم للعمرة الجاية باذن الله

يعني كانت خطوبتي يوم السبت اللي فات ويوم الاتنين كانت طيارتي للسعودية
معلش بعتذر لخطيبي اوى اوي

وبقولك هعوضك ان شاء الله وطبعا انت عارف دي اقدار سبحان الله بجد..
بصوا انا هدعيلكم في الحرم ان شاء الله وباذن الله بالاسم لاني بحب اختص بالاسم
وياريت انتوا تدعولي وانتوا قاعدين علي الكمبيوتر دلوقتي
ياريت ماتنسونيش من الدعاء ربنا يحفظكم

وبقول لخطيبي خلي بالك من نفسك لغاية ما ارجعلك واخد بالي منك

الجمعة، 16 يناير، 2009

النصر فلا محالة


تبا للمال والجاه عندما نفقد رفع الرأس فذلك هو الموت
تبا لاناس تولوا الامر وكانوا هما من خسائس القوم
تبا لشعوب لاتملك حريتها لا تملك حتي قوت اليوم

تبا للجبن والخيانة تبا للعيش يوما دون كرامة
اصبحنا كالدومية كالجثث التي لا حراك لها بل كل الصمت
والتبلد والاستهانة ....

ارفعي رأسك ياغزة ياكل النصر ياكل العزة والشهامة
أعدتي مجد قرون مضت كنا قد نسيناها وتوارت خلف ايام
من النكسة والخسة والمهانة
قتلوا الفا الفان او الافا مهما فعلوا فبطونك ستظل تجنب
ياسينيا ورنتيسيا ولنا النصر والغلبة فلا محالة

الجمعة، 5 سبتمبر، 2008

الرضا بما قسم الله لك


الأربعاء، 13 أغسطس، 2008

أحــــــكـــــام الإمــــامــــة

تحديث :تم افتتاح مدونتي الجديدة " إلــي مــتـي " ادعوكم للزيارة وكل عام وانتم بخير
----------------


أحكام الإمامة


أولا : من أحق بالامامة :عن أبي مسعود عقبة الانصاري رضي الله عنه قال : قال رسول الله صلي الله علية وسلم : " يؤم القوم أقرؤهم لكتاب الله , فإن كانوا سواء فأعلمهم بالسنة , فإن كانوا في السنة سواء فأقدمهم هجرة , فإن كانوا في الهجرة سواء فأقدمهم سنا - وفي رواية - سلما- ولا يؤمن الرجل الرجل في سلطانة , ولا يقعد في بيتة علي تكرمتة الا بإذنة"ومعني " تكرمتة " : فراشة .ومما سبق تبين أن الاحق بالامامة علي هذا الترتيب:

اولا : الأقرأ , والمقصود به الاكثر حفظا لحديث عمرو بن سلمة رضي الله عنه" ليؤمكم أكثركم قرآنا "


ثانيا : فإن استووا فأعلمهم بالسنة يعني افقههم


ثالثا: فإن استووا فالاقدم هجرة من بلاد الكفر إلي بلاد الاسلام


رابعا : فإن استووا فالاسبق الي الاسلام كما جاء في رواية " سلما "


خامسا : فإن استووا فالاكبر سنا كما ورد في الرواية الثانية.

..ملاحظات هامة..

1: هذا الترتيب السابق إذ لم يكن ثم امام راتب فان كان هناك امام راتب كإمام المسجد فانة لا يتقدم علية احد ولو كان أقرأ منة او افقه لقولة في آخر الحديث " ولا يؤمن الرجل الرجل في سلطانة "

2: وكذلك لا يتقدم احد علي صاحب المنزل , الا أن يأذن له بالامامة للحديث السابق .
3: يشترط في تقديم الاقرأ ان يكون ضابطا للصلاة فإن كان لا يحسنها فلا يقدم
قال الحافظرحمه الله:ولا يخفي ان محل تقديم الأقرأ هو حيث يكون عارفا بما يتعين معرفته من احوال الصلاة فأما إذا كان جاهلا بذلك فلا يقدم اتفاقا)

4: اذا استووا في الامور السابقة كلها فانة يقرع بينهم , الا أن يتنازلوا لاحدهم وأما ما ورد في بعض كتب الققة من اعتبارات اخري كقولهم : أشرفهم او أجملهم أو اتقاهم او نحو ذلك فمما لادليل عليه.



المصدر :تمام المنة في فقه الكتاب وصحيح السنة

للشيخ ابو عبد الرحمن عادل ابن يوسف العزاز

قدم لبعض اجزاءة الشيخ محمد صفوت نور الدين

والشيخ ابو اسحاق الحويني

ونسالكم الدعاء

الأربعاء، 9 يوليو، 2008

عمري التدويني


اليوم مضي من عمري عام كاامل في حياتي التدوينية اي اصبح عمري التدويني عاما سعيدة جدا لكوني تعرفت علي اناس اعزاء علي قلبي

أسأل الله ان يثبتهم علي الحق ويجزيهم عني كل الخير والفضل والمنة لله سبحانه وتعالي ثم لاخيتي في الله رينا هي التي أشارت علي بهذه

الفكرة بأن أدخل عالم التدوين ويكن لي مكان وسطكم تعلمت منكم الكثير ولكم هونتوا علي لحظات صعيبة بوقوفكم بجانبي أريد ان اذكركم واحدا تلو الاخر ولكني لن افعل مخافة ان انسي احدكم دمتم لي خير معين علي طاعة الله والقرب منه واحببت ان استعيد ذكريات أول تدوينة

خطتها يدي في مدنتي المحببة الي قلبي فهي اخيتي الثانية التي تفتح لي احضانها وتحتويني وتسمع مني بلا ملل وسأتتركم الان مع اول بوست لي أشعر بالهذيان . واخيرا ادام الله قلمكم في إعلاء كلمة الحق وغفر الله لكم ورضي عنكم وجعلكم منبرا للذب والدفاع عن سنة المصطفي صلي الله عليه وسلم سلمتم لي ياكل اخواني وكل اخواتي في مفضلتي الحبيبة تحياتي لكم

© روح وريحان - Template by Blogger Sablonlari - Header image by Deviantart