لما سمعنا انه اتكل الفرحة مبقتش سيعانا
,العالم كله ظأطط وكأن الدنيا فرحانه ويانا
,الواحد مش عارف يقول إيه
لو حقيقة يبقي ربنا رايد لنا السلامة
, ولو مكنتش حقيقة يبقي علي الاقل فال حلو وبشرى
يارب سهل واسترها علينا وعلي ولايانا
, فيه اللي يقولك هو احسن من غيره
انا مش عرفة غيره دة هيعمل
فينا ايه اكتر من اللي اتعمل
ياعالم مالكوا فوقوا هو الشعب دة
مكتوب عليه الذله والمهانه
, ولا احنا خلاص أدمنا الظلم
ولو ما لقيناش حد يقهرنا
نشتريه بفلوسنا ونسلمه رقابنا
ونقولة اعمل ما بدالك بس مصر امانه
, وفعلا أمانه بس ياخساره مبقتش بتاعتنا
اتباعت وبقينا ضيوف فيها وكله هاجر
ماهي البلاد التانية ناقصها عماله
, لاخير في اللي بيلبسوا بدل
ولا خير في اللي بيلبسوا طرح
كله متلجم وخايف علي كرسيه
وماشي زي البقرة العميانه
, فين الصديق والفاروق وعثمان وعلي
فينكوا ياللي اتعملت منكوا
الرجولة والصدق والعدل والشهامة
....
المشاركات
44 تــعــلــيــقــك:
سياسة التعتيم واخفاء الكفاءات الحقيقية هى السبب وفصل الشعب عما يدور فى كواليس النظام
هذه البلد مقدر لها أن ياتى لها الصلاح من اعلى
راجعى التاريخ ستجدى صدق ما اقول
حتى فى عصر سيدنا عمر بن عبد العزيز
اللهم يسر لنا اماما صالحا وارزقة بطانة صالحة
تحياتى
الفرحة لا تتم إلا بالفرج التام
الطائر الحزين
اللهم امين
والله البلد دي كتر خيرها
اتحملت كتير كتير اوي
سعيدة ان يكون اول تعليق من حضرتك
نورتني تحياتي ليك
عصفور المدينة
استازي احنا تعبنا اوي
وبجد اقل حاجة
هتفرحنا اهو امل
وربنا يستر في اللي جاي
تحياتي لحضرتك شرفتني
اه صحيح الاخ الطائر الحزين
واستازنا عصفور المدينة
ما قالوش رأيهم
في البوست لا مينفعش كدة
ليا عندكم تعليقين كمان
بصراحه حتي ولو مش حقيقه فيكفي ردود فعل الناس علي الموضوع
كفايه بقي الناس اتخنقت
الله اعلم حصل ايه ولا مجرد شائعات بس اكيد هييجى اليوم ده
بس ايه اللى هيحصل بعديه الله اعلم
المشكلة فى الناس امتا بقى تعرف انه كفاية وخلاص
طهقنا
اما يخرجوا من الكهف اللى حابسين فيه نفسهم بنفسهم
سبحان الله
سلام عليكم
روح بتكتب في السياسة انا مش مصدق ده انا كنت بادخل مدونتك عشان اشوف حاجة روحانية ترقق قلبي بعد اللف في مواقع الاخبار والسياسة بس واضح ان روح كمان حست بالنمو الاقتصادي اللى وجع دماغنا بيه
يمكن اللى جاى مش احسن منه بس اكيد مش اسوء منه عشان مفيش اسوء من كده وبعدين عايزين شعوبنا تتعود على مجرد التغيير عشان يقدروا يحكموا على الناس وحتى لو الحاكم كويس
أما بيع البلد دي المصيبة الاكبر عشان بيصعب المهمة على اللى جاى بعده ده لو ناوي يصلح بس بجد والله انا كنت هنزل بوست اسمه أيها المفسدون عن حاجة شبيهه بس كده مش هينفع وكده واحدة بواحدة
مين ياد اللي قاللك ياد
سمعت منين الاشاعة دي منين ياد؟؟
من روح يا باشا ماليش دعوة يا باشا
:) :)
==============================
اولا احييكي علي التنوع التدويني لاني كنت ملاحظ ان مغظم تدويناتك في اتجاه واحد
لو حصل يوما ما الكلام ده الوضع مش هيفرق كتير ع الساحة حاليا لان القريبين من هذا المنصب علي نفس الشاكلة
يبقي دور هذا الشعب اللي في رايي انه شعب جميل جدا بس عايز اللي ياخد بايده وده ظهر أوي في انتخابات مجلس الشعب الاخيرة
الناس كانت واقفة معانا(الاخوان) وقفة حلوة جدا ومتحمسين اوي لفكرة الاسلام هو الحل ولو النظام متدخلش في المرحلة الاخيرة لكان العدد زاد عن 88
اللي اقصده اننا نهتم بما علينا من اعباء تجاه اصلاح هذا الفساد الذي لا يتمثل في شخص بعينه وانما في منظومة ظالمة مستبدة للاسف الشديد
ومن ضمن الوسائل المعينة علي ذلك من وجهة نظري الشخصية العمل الجماعي المنظم المخطط السلمي وهو ما أراه حاليا متجسد في دعوة الاخوان المسلمين دا رايي ومحدش يزعل ومش تعصب
وبعدين تدوينتك جميلة وفيها سجع بس ليه مش كتبتيها رأسية عشان يظهر كويس احسن من كده
هو انتي ايه حكاية الرأسية معاكي كله افقي ليه:)
وتحياتي مرة اخري علي هذة التدوينة الرائعة الجديدة بالنسبة لك الايجابية ايضا
مش خايفة على نفسك يابنتي :)
عامة فأل حلو بس يارب قريب بقى الواحد زهق
اللهم يسر لنا اماما صالحا وارزقة بطانة صالحة
اللهم آمين
السلام عليكم
لا انا مش مصدق عنيا
معقوله التغيير دا في اتجاه المدونة
بس بوست حلو وجميل
بس عايز اقولك التغيير بيبدأ من النفس
ان الله لا يغير ما بقوم
كل واحد يبدأ من نفسه واكيد هنكون افضل
تحياتي
هي الاشاعات دي حقيقية بقا
أصل عندنا سرت إشاعة ان في اشعاعات !!
يبقى الاشاعة كانت بجد ان في اشاعات
مش عارف بعد ما قرأت الموضوع دا
افتكرت اغنية
مين حبيب بابا
ميين اللي بيهريك لعب؟
مين اللي بيأكلكم؟
مين اللي هايلبك
تحياتي يا روح
وياروح
مابعدك روح
مع الأسف متفق مع كلام الطائر الحزين لأنه حقيقي فعلا
التطور الإصلاحي فى المجتمع هايكون من فوق من القياده السياسيه
واللى فى مجتمعنا قدر
فبالتالى أمرنا الى الله
وباقول للأسف لأن احنا بتقريرنا بان دي حقيقه فاحنا كده بنقول علنى إننا ضعفاء جبناء لا نستطيع تقرير مصيرنا بايدنا واختيار من يحكمنا بارادتنا الكامله
مع الأسف
محمد مفيد
فعلا مع حضرتك حق
بس ياريت ياثر فيهم
ويعرفوا ان الناس تعبت بجد
تحياتي
---------------------------
امام الجبل
معاك حق
بس الناس معذورة بردوا
دي سياسة مطبقة بقي لها
25 سنة عشان يوصلوا الناس
للمرحلة دي
يلة الله المستعان
تحياتي
بيدو
طيب دلوقتي نرجع تاني
للون اللي كنت بكتب فيه
ونبطل سياسة
ولا اعمل اية دلوقتي
وبعدين انا ممكن انزل بوست رياضي
كمان مفيش مشاكل
وبقولك تنزل البوست بتاعك
بغض النظر عن انه مشابه ولا لا
بس اكيد هيكون هادف
تحياتي
--------------------------
مصراوى أوى
بقي كدة هتبلغوا عني من اول بوست
كويس طيب تحيا الريس بقي
وربنا يديلةالصحة
واحنا كلنا فداك ياريس
ههههههههههه
شكلي مش هلحق اكمل التعليق
عموما الحمد لله
ان التدوينة عجبتك
وشرفتني تحياتي
همسة قلم
والله يا سمسمة انا
اتأثرت بالخبر وبيني وبينك
فرحت بيه اوي
وكتبت البوست ونزلته
وعلي الله القبول
بس لو غبت عنكو الايام
الجاية ابقوا إسالوا
والف مبروك للمولود مرة تانية
ونورتيني وشرفتيني
تحياتي
---------------------------
mohand
اتمني ان يكون عجبك
التغيير في اتجاة التدوين بتاعي
وطبعا متفقة معاك ان التغيير
بيبدا من النفس
لان ربنا بيولي الراعي
تبعا للرعية
لو الرعية صالحين
هيولي عليهم راعي صالح
ولو غير كدة يبقي
ربنا يستر علي اللي جاي
تحياتي ليك
اكتب بالرصاص
مشكور علي تعليقك
وتشريفك لمدونتي
واتمني زيارتك تدوم
تقبل تحياتي
----------------------------
عندما يغيب حبيبى ..!؟
بص الكبت بيولد انفجار
بس المشكلة اننا خلاص اخدنا
علي الكبت دة
وربنا يصلح الحال
الاصلاح هيجي من فوق
بس فوق اوي من عند
ربنا سبحانة وتعالي ويارب
يكون رمضان دة نقطة بداية لينا
مع ربنا عشان يزيل الغمة
تحياتي ليك وشرفتني
ربنا يفرجها علينا يارب
خلاص الواحد أحيانا بيحس انه بيتخنق من اللى بيشوفه
حسبى الله ونعم الوكيل
..
أول مرة ادخل مدونتك يا روح بس بجد
وان شاء الله مش آخر مرة
:)
جزيت من الله خيراً
معلهش انا ملياش فى السياسة
سلام
انتى سمعتى؟؟
انا لأ ماسمعتش
وبعدين علمونا واحنا صغار ان الرجالة ماتوا فى الحرب يعنى خلاص مفيش فايدة
وأنا لا ندري أشر أريد بمن في الأرض أم أراد بهم ربهم رشدا !!
noha
بجد انا سعيدة بزيارتك ليا
وتعليقك علي البوست
واتمني ماتكونش
اخر زيارة وان شاء الله
هزورك اكيد مدونتك جميلة
ليكي اغلي
تحيـــــــة
بتاع العسل
اكتشفت ان مفيش
حاجة اسمها ماليش في السياسة
في حديث خطير جدا
بيقولك من لم يهتم
بأمر المسلمين فليس منهم
او كما قال
عشان كدة لازم تعرف اللي
بيحصل حواليك
هيوسع مداركك وهتؤجر عليه كمان
وشرفتني في مدونتي
واتمني زيارتك تدوم
تحياتي
تخاريف دكتور
مممممممم انا بردوا سمعت
انهم ماتوا في تلاتة وسبعين
بس سمعت حديث خطير بعدها بيقولك"
لا تزال طائفة من امتي ظاهرين علي الحق
لايضرهم من خذلهم حتي يأتي أمر الله وهم كذلك" يعني ماتخافش في رجالة لسة عايشة ان شاء الله امال مين اللي هيقف مع المهد المنتظر يلة جهز نفسك مفيش وقت
مشروع فنان
مش عرفة اقول لحضرتك
اية بس دي غيبيات
واللي علينا اننا
ندعي بالامام العادل
وبجد شرفتني النهاردة
لا حرمني الله من تعليقاتك
تقبل تحياتي
استخبو يا رجالة النت ليه ودان كبيره
ازيك ياندله
هيا المعضلة مش في الرجالة
المشكلة في الرجولة
ومش مشكلتنا أبداً مين اللي باعنا
مشكلتنا أحنا بعنا نفسنا لمين
أن الله أشتري من المؤمنين أنفسهم بأن لهم الجنة
وما نحن فيه من فساد فبما كسبت أيدينا
الرجولة والعدل والشهامة
مش دي معادتش موجودة برضه..بس كويس إنك جبتي سيرتهم..كلامك جميل جدا
مع تحياتي00
والسلام عليكم0
ازيك يا روح ..انا جيت زى ما وعدتك
ما كنتش اعرف انك بتتكلمى فى السياسة
ما دايم الا وجه الله
كل واحد وله نهاية مهما طال عليه الوقت
سلام عليكم
السلام عليكم
كل عام وانت بخير
بمناسبه رمضان واللهم أجعلك من عتقاء هذا الشهر وان يتقبلك الله بقبول حسن
والاسره الكريمه بكل خير وصحه وسعاده
وان يجعل هذا الشهر شاهد لنا لا علينا
كل عام وأنتم بخير
يهل رمضان من بعيد
حاملاً لي أحلى الذكريات دائماً
أصدق العبرات حتماً
أخلص العبادات دوماً
لرمضان عندي مكانة خاصة
ولكم أنتم أيضاً
يا أحبابـــي
فكل عام وأنتم بخير
وأنتم إلى الله أقرب وعلى طاعته أدوم
السلام عليكم
ايه مفيش جديد قبل رمضان
خلاص شطبتوا؟
يا خساره
علك بخير
اولا ازي صحتك
بقالي كتير مشفتش حضرتك
ثانيا كل سنه وانتي طيبه
ورمضان كريم
ثالثا ان الله لا يغير مابقوما حتي يغيروا مابانفسهم
احنا نظبط نفسنا وربنا هينصرنا ويعزنا
وهدي نفسك ليحصلك حاجه واحنا عاوزين اللي زيك
ربنا يكرمك
الله ..... كل سنه وانتي طيبه
السلام عليكم ورحمه الله وبركاته
كل عام وانت اللى الله اقرب وعن المعصيه ابعد ان شاء الله
كل عام وانتم با الف خير
3abdo me7tas ...
استخبو يا رجالة النت ليه ودان كبيره
محتاس شكلك كدة هتبيعنا من اول محطة
-------------------------------
رينا
كل سنة وانتي بالف خير ياغالية
وحشتيني اوي لعلك بخير وسعادة
وانا والله مش ندلة
بس مش بدخل يارينا
كتير والله وانتي ابقي
اسالي وضيفي اميلي
كل عام وانتم بخير وعادة الله عليكم وعلى الاهه الاسلاميه بكل خير
كل عام وانتم منصورين واقوياء
كل عام ومصر بخير
احمد الجيزاوى
BinO ...
صدقت يا اخ بينو
ويارب نربح في التجارة دي
مشكور علي المرور
وعلي تعليقك بوركت
كل سنة وحضرتك طيب
تحياتي
-------------------------
أحمد المصري
نورت مدونتي بجد
وشرفني مرورك الكريم
وفي انتظار تواجدك دائما
كل سنة وحضرتك طيب
تحياتي
لسة بعقلي
كل سنةوانتي طيبة ياغالية
وان شاء الله رمضان الجاي
تكوني في بيت خطيبك اللي تعبنا معاه
ربنا يوفقك دايما وادعيلي
ربنا يوفقني
بحبك في اللــــه
تحياتي
------------------------
محمد مفيد
اللهم امين
كل سنة وحضرتك بألف خير
وربنا يجعلك من عتقاء هذا الشهر
تحياتي والسلام
صاحب البوابة
كل عام وانتم الي الله اقرب
شرفني مرورك الكريم
ولا تنسونا من صالح الدعاء
تقبلوا خالص تحياتي
------------------------
مهند
والله مش عرفة
انا حسة ان معنديش حاجة اكتبها
في مواضيع كتيرة شغلاني
وحاجات لازم اتخذ فيها قرارات
وانا حسة اني مشتتة
معلش سامحني لتقصيري
وارجوك تدعيلي
وكل سنة وانت طيب
تحياتي
one true thing
معاكي حق احنا نصلح ربنا
وربنا يكرمنا باللي
يصلح حالنا
المهم انتي وحساني اوي
كل سنة وانتي بالف خير
وادعيلي ماتنسنيش
بحبك في الله
تحياتي
---------------------
rasha
وكل سنة وانتي الي الله اقرب
نورتي مدونتي بجد
لاحرمني الله من مرورك الكريم
واتمني زيارتك تدوم
تحياتي
رينـــــــــــا
وحشتيني اوي كل سنة وانتي
بالف خير وصحة وسلامة
لاتنسيني من صالح دعائك
بحبك في الله
------------------------
مدونه انا بحبك يا مصر
كل سنة وحضرتك بخير
سعيدة لزيارتك لمدونتي
نورتني لاتنساني من صالح الدعاء
تقبل تحياتي
إرسال تعليق