جوزت ولادك واطمنت عليهم وشوفت أحفادك طيب بعدين
فاضلك إيه سيدك قال اعمارهم هتكون بين الستين والسبعين
إياك فاكر هتاخد وياك قناة السويس ولا قصر عابدين ؟؟
لا فوق من وهمك أخرك هيكون متر في مترين
مستني تورثنا للحيلة عريسنا ربنا يهديه ويعوض عليه
مش تعمل حاجة لشعب اتعذب تقابل بيها وجه كريم ؟؟؟
فكرك هتكون بس مسئول عن نفسك ومراتك والحيلتين؟؟
دة شعب بحاله متعلق في رقبتك ورد مظالم وهتلطم بالدين
هو احنا كدة شعب متغلب متألم عانى مظالم بالوييييييييييييل
من أيام المماليك لغاية القرن العشرين ...
ماسك فيها بإيديك وسنانك طيب ليه ولغاية فين ؟؟
دة إنت دلوقتي ضيف علي الارض يمكن فاضلك يوم ولا اتنين
الله اعلم بس احنا تعبنا واتبهدلنا وكفاية عليك السبعة وعشرين
المشاركات
51 تــعــلــيــقــك:
سيدي الرئيس
في عيد ميلادك الكام وسبعين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الكام وسبعين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين
تحياتى لكتاباتك الرائعه
طبعا القصيده اللى كتبتها دى بتاعة احمد فؤاد نجم
تحياتى
علاء
يا سيدتى..
كلنا نعرف ان الكفن لا جيوب له
ولكن الكرسى ينسينا ذالك...
ربنا يعينة على تحمل حساب ربنا,,
فى ساحة الملك اصنام مزركشة
عصابة من رماد الصبح تكتحل
(جويدة)
حسبى اللة ونعمه الوكيل لانملك غيرها بس لو بيقرى كان فهم معنى مقال ابرايهم عيسى انك ميت وهم ميتون بس لا بيفهم ولا بيقرى
على فكره هما 25 سنه لا من 81 الى 2008 سبعه وعشرين شمعة سوده بتعبر عن قهر وظلم
لا حياه لمن تنادي
خليه قاعد
وادينا قاعدين
مستنين
والخوف مالينا
من اللى هيحلف اليمين
ربنا يستر من الجاى
وينجى المسلمين
دمتى بخير اختى
سالى
جميله قوى
27 سنه هايقف قدام ملك الملوك يحاسب على كل ثانيه وعلى كل فرد واليوم عند الله بالف سنه مما يعدون
حسبى الله ونعم الوكيل
ربنا كبير
واللى يحكم وبدون عدل
حسابة عند ربنا
اتمنى التواصل الدائم بينا
مدونة افكار حرة 1
تحياتى
ساعات بيكون صعبان عليا
انا شوفت مسلسل الرجل الاخر
اللي فقد ذاكرته وبدا يعرف انه كان نصاب ومرتشي وعمل بلاوي زرقا وكان مصدوم ايه كل اللي انا عملته ده
معقوله انا تسببت في عذاب الناس دي كلها
وبدا علي قد ما يقدر يصلح
ساعتها افتكر عمنا ابو الحيلتين
قلت لو حصله كده هيعمل ايه
انا كنت فاكر انك نزلتى بوست جديد
فى اتظار بوستك الجديد
وبالنسبه لتعليقك على بوستى الاخير
هو اصلا مفيش قصة حب علشان هى تقلق او متقلقش
لانى مش مرتبط اصلا
ههههههه
ده كله من وحى خيالى
تحياتى
علاء
المدونة حلوة......بس بدون تعليق
ابقى بلغينا بعنوانك الجديد
وقولى نجيبلك سندويتشات ايه علشان اكيد العيش والحلاوة بقت موضة قدييييمة
ايه يا روح الحاجات الجامدة دي
ربنا يهديه....فعلا يوم الحساب هيبقي قاسي جدا
معلش انا مقصر في زياراتي للمدونة بس انا مشغول جدا يا روح معلش اعذريني وادعيلي
احنا بنتكلم لية وعلشان مين
مفيش فايده على رأى محمد حفيد لا حياة لمن تنادى
ده قاعد فيها ومتبت بس هيروح فين لية يوم مكتوب عند ربنا سعاتها مش هيلاقى حتى الى يمشى فى جنازتو
وعلى رأى عادل امام
هشتكنا وبشتكنا ياريس انت خربها والشعب هيس
تحياتى ليكى
واتمنى انك تشرفى مدونتى المتواضعة
سيدى الرئيس
خليك حسيس
وامشى فى رمسيس
شوف الشعب من غير قميص
وتعب من كتر التهييس
وزهق من الحرامى الخسيس
وكمان من تفكير ابليس
ازاى يسرق زرع المحاريث
وازاى يموت سباببنا فطيس
فاروتا المصرى شاعر التهييس
اختنا روح حمد الله على السلامه
السلام عليكم
كلمات جميلة ومعبرة
لكن دول 27 سنة مش 25
عموما ربنا يمد له من العذاب
﴿وَلا تَحْسَبَنَّ اللَّهَ غَافِلاً عَمَّا يَعْمَلُ الظَّالِمُونَ﴾
وحسبنا الله ونعم الوكيل
تحياتى
يااااااه ...(80)سنه في طريقه لربنا
!!!!!
ياترى مستعد للقاء.....!
-----------
تحياتى لقلمك الرائع
لأ ولسه
ربما يكون فيه أستنساخ في مصر
ربنا يستر
تحياتي لكي
:)
لدنيا لا تدوم لأحد...بس مين يعرف
سعدت بتعليقك وياريت أشوفك في يوميات أم البنين..لتعرفي من هي إيما
مدونتك جميله جدا...ربنا يكرمك
إيما ..أم البنين
صديقتي روح
بعد ازيك ووحشتيني
كان فيه مثل بتقوله جدتي رحمها الله
اصبر علي جار السوء يا يرحل يا حتجيله مصيبة تاخده
و امثال زمان ما بتخيبش يا بنتي
انا جى اسلم
واسال على الصحة
فى انتظار الجديد
تحياتى
ازيك يا روح وحشانى مدونتك اوى و على فكره التصميم الجديد بجد اكتر من رائع عجبنى اوى
القصيده معبره جدا عن الواقع
بس لازم برضه نبقى عارفين
ان الله لا يغير ما بقوم حتى يغيروا ما بانفسهم
بردوا لسه مفيش بوست جديد
طيب مش تطمنينى عليكى
عايش ولكن
انا بحب جدا كتابات
احمد فؤاد نجم
ويمكن الخاطرة دي
احدي تأثراتي بكتاباته
مشكور جدا يا اخ عايش
علي المتابعة والسؤال
وما تستعجلش علي الجديد
انا بطيئة جدااااا
وان شاء الله يكون فيه جديد
تحياتي
.:.-=- ELGaZaLy-=-.:.
كلامك صحيح فعلا
واتذكر مقولة لسيدنا ابو بكر
تقريبا انه قال
آخر ما ينزع من صدور الصديقين
حب الزعامة
فتنة جامدة اوي
تحياتي لمرورك
الطائر الحزين
فى ساحة الملك اصنام مزركشة
عصابة من رماد الصبح تكتحل
(جويدة)
اوجزت وصدقت
ولكن لابد لليل ان ينجلي
وللصبح ان ينكشف
تقبل تحياتي
رئيس جمهورية نفسي
ابراهيم عيسي ياما عاني
ودفع تمن صموده
وبشكرك ان لفت نظري
ان ابوجمال له 27 سنة
معانا مش 25 سنة بس
ونورت ومدونتي وشرفتني
واتمني الزيارة تدوم
تقبل تحياتي
مـحـمـد مـفـيـد
لا حياه لمن تنادي
طيب قولي انت نعمل اية
اهي طاقة جوانا
بنطلعهاوعلي الله القبول
Sally
علي رأيك ادينا قاعدين
بس الومين الجايين
هيكونوا جامدين
علينا وعلي كل السامعين
وربنا يستر ويسلم
وينجينا منهم امين
المستنصر بالله
لفت نظري لنقطة خطيرة
ان اليوم عند ربنا
بألف سنة مما تعدون
ياه كتير اوي
واتمني تكون الخاطرة عجبتك
تقبل تحياتي
Tamer Nabil
قمة الشرف ليا
ان حضرتك تشرفني في مدونتي
بجد ربنا يكرمك
وانا زورت مدونتك
وان شاء الله دايما التواصل يكون دائم
ولا تنساني من الدعاء
بوركت
تقبل تحياتي
fahd
عارف يا اخ فهد انا كمان
لما شوقت جزء من فيلم
طباخ الريس حسيت
ان مظلوم شوية من الحاشية
اللي حواليه
اللي ناهبين البلد
بس اكيد الواقع مش زي الفيلم بالظبط
هو مسئول عن اختيار
ولاة الامور اللي بيوليهم علينا
تقبل تحياتي ونورتني
شفقة و احسان يقول...
المدونة حلوة......بس بدون تعليق
وانتوا كمان مدونتكم زي السكر
بس الصورة اللي بتبقي في الهيد
فوق دي لو تتظبط تبقي كملت بجد
لان تنسيق المدونة بيسيب طابع في نفس الزائر يشجعة انة يزورها تاني
نورتيني وتقبلي تحياتي
محـMoHaMeDـمد يقول...
ابقى بلغينا بعنوانك الجديد
وقولى نجيبلك سندويتشات ايه علشان اكيد العيش والحلاوة بقت موضة قدييييمة
طيب ياريت مؤمن كوك دور
بيتزا هوت اي حاجة تمشي الحال
وخلاص واهو كله بثوابه
مصراوي أوي
مليش دعوة يامصراوي
مش هعذرك ولو مشغول تفضي
لمدونتي خمس دقايق
لاني اتعودت تكون اول تعليق
وربنا يعينك
ان شاء الله
عمرو النوبي
علي رايك يانوبي
بس اهو هنعمل اية
زي ما قولت قبل كدة طاقة وبنطلعها
بدل ما نطق نموت
ومونتك جميلة
واتمني زيارتك تدوم
نورتني
تقبل تحياتي
فاروتا المصري
انا بردوا اللي حمد الله
علي السلامة ولا حضرتك
دة حضرتك دلوقتي كل فين وفين
ومينفعش الكلام دة
وبجد مشرفني دايما
بردودك الجميلة
تقبل تحياتي
عمر المصري
اتمني تكون بخير
ومعلش متاسفة كنت احسبهم مؤبد
بس 25 سنة سنة
لقيت اننا واخدي معاه
اكتر من ال 25 سنة
وربنا ينجينا بقي
شرفت المدونة
تقبل تحياتي
حم قيودك
مشكلة التمانين سنة دول
اللهم لاتردنا لارذل العمر
بجد الحساب صعب
ثانية بثانية
ربنا يسلم وينجينا
وينظر لنا بعين الرحمة والمغفرة
تحياتي ليكم
شرفتني واسفة علي تقصيري
اتجاهكم وان شاء الله ملحوقة
بوركت
BinO
استنساخ!!!!!!
زي صدام يعني
ربنا يستر اوي
اخنا مش حمل 27 سنة تاني
تحياتي ليك
Ema
حضرتك اللي شرفتيني اوي
وسعيدة بزيارتك
واتمني التواصل يوم بينا
وتكوني صديقة لمدونتي المتواضعة
وامني بجد تكون مدونتي عجبتك
تقبلي تحياتي يا ام البنتين
أم أحمد المصرية
وحشتينىىىىىىىىىىىىىىىىى
اوىىىىىىىىىىىىىى
عاملة اية واتمني تكوني بخير
دايما منواراني
ومعلش سامحيني علي تقصيري
ظروف النت عندي وحشة اوي
بحبك في الله
Tamer Nabil يقول...
انا جى اسلم
ربنا يخليك ويباركلك
علي متابعتك
وان شاء الله فيه جديد
بس خلي نفسك معانا طويل
حبتين تحياتي ليك
nefertiti
نيفو اخص عليكي كل دة مش تسألي عليا
لية القسوة دي
عموما سماح المرة دي
بس مش تتكرر ياريت
واتمني المدونة والتصميم يكونوا عجبوكي
بحبك في الله يا وحشاني
عايش ولكن
انا بخير الحمد لله
وربنا يكرمك علي السؤال
مشكووووووووور
تقبل تحياتي
انا اسف هطلع برا الموضوع لكن عايذ اعلق على رئيس جمهريه نفسى عشان شد انتباهى لى كلمه قالها قال مقال ابراهيم عيسى انك ميت وانهم وميتون
ونسي انها من ايات الله البينات مش من مقال ابراهيم عيسى الهما لا تؤاخزنا بما نسينا او اخطأنا واسف هرجع لى البوست.....
بصى يا انستى يا مجستى الموضوع ده بزات منقضرش نحكى فيه كتير مش خوف ولا حاجه ولكن مفيش فيدا من اى كلام غير اننا ندعو الله ان يرحمنا اذا ابتلانا به ولا يغير الله ما بقوما الا ان يغيرو ما بأنفسهم وياريت مكنش طولت عليكم اتمنا زياره مدونتى من الجميع
اخبارك اية
فى انتظار الجديد
تحياتى
ادم المصري
نورت مدونتي يا اخ ادم
واكيد اخ رئيس جمهورية نفسي
مش قصده كدة
المهم انك شرفتني
واتمني الزيارة تدوم
تحياتي
Tamer Nabil
انا بخير الحمد لله
مشكور علي السؤال
والجديد قريب
ان شاء الله
تحياتي
اتفضلوا بزيارة مدونتى الجديدة
بعد سرقة القديمة
http://scandal--blogger.blogspot.com/
واى حد هيرجعلى المدونة دى
http://scandal-blogger.blogspot.com/
انا هبعتلة على رصيدة المبلغ اللى يطلبة
إرسال تعليق